Masterklasi i parë i Onkologjisë me fokus “Sfidat në menaxhimin dhe parandalimin e Kancerit të Gjirit” në plaformën Zoom – LIVE Webinar.

Një interesim i jashtëzakonshëm për vetë rëndësinë që ky Masterklas ka patur në këtë muaj, Tetori Rozë – muaji i Kancerit të Gjirit.

Në të, mjekët më të mirë në vend dhe jashtë tij të Spitalit Amerikan, Spitalit Hygeia dhe Kembrixh UK, solli risitë mbi parandalimin dhe trajtimin e Kancerit të Gjirit, që nga specifikat dhe sfidat e trajtimit, diagnostika, biopsia e shpejtë dhe përparimet e shpejta në fushën e biologjisë molekulare, kirurgjia me teknikat e saj më të reja, përfshirë edhe ajo plastike, teknikat më të avancuara në trajnimin me radioterapi.

Nën moderimin e Dr. Shk. Lindita Shoshës dhe Dr. Emiljana Hutit lektorët do të trajtojnë tema si:

• Kanceri i gjirit në moshat e reja: specifikat dhe sfidat e trajnimit
• Kirurgjia e kancerit të gjirit dhe teknikat e reja
• Përfshirja e kirurgut plastik në ekipin kirurgjikal të kancerit të gjirit
• Sfidat e sotme të mjekut anatomopatolog në trajtimin e Kancerit të Gjirit: Biopsia e shpejtë – Linfonoduli sentinel
• Teknikat e avancuara në trajnimin me radioterapi të Kancerit të gjirit
  Risitë në imazherinë e gjirit
• Kanceri i gjirit post-shtatzënisë; Faktorët që influencojnë dhe prognoza
• Kanceri i gjirit; Një event molekular gjithnjë në ndryshim, etj.